ako lang ba ito?
o ganoon din ang iba?
nagbabasa, tumitingin
bigla nakita kita.
pangalan mo dala lagi
ay
ngiti at tanong.
tulad ng huling sinabi mo,
nagulat ako, nagbigla.
akala ko ako lang.
akala ko sa akin
lang iyon.
noong una, may panghihinayang
kasi minahal kita
pero natakot ako,
nanatiling kaibigan.
gabi-gabi halos kausap ka,
ikaw naman, hiling
lagi
ay makausap ako.
bigla sa isang iglap
natapos, nagbago
hindi ko alam bakit,
paano natapos.
ikaw ba o ako?
hindi ko maalala,
hindi ko kayang
sagutin.
nagalit ka ba o
nagkulang ako?
anong nangyari,
hindi ko talaga alam
natapos na lang.
ngayon, kapag nakikita ka,
mga larawan mo,
ang pangalan mo,
laging bumabalik
ang huling sinabi
mo,
paano nga kaya KUNG NAGING TAYO.